Eran cómplices de aventuras. Como Os Cinco, esas novelas xuvenís duns amigos inseparables. O foron ata que un segundo cambiouno todo. Os veráns da infancia, a vida sen présas e aquela amizade que parecía eterna estalou nun coche unha madrugada de inverno. O peso da culpa dinamitou os seus soños e deixaron de verse. Pero a delirante promesa de celebrar xuntos o corenta aniversario dun morto volverá reencontralos vinte e un anos despois. Pasou demasiado tempo. Convertéronse en descoñecidos, pero todos deciden cumprir e pasar catro días xuntos para redescubrirse e comprobar que máis aló da morte, máis aló da dor, está a vida e esa amizade que lles pertence e deu valor á súa supervivencia.