Sam Waver é un mozo solitario ao que lle custa facer amigos, e os seus pais están tan atarefados que ás veces se sente invisible. Por sorte, conta co seu irmán maior, Jason, quen parece ter unha vida perfecta: non só é encantador e popular, tamén é a estrela do equipo de fútbol, e todas as mozas están a desexar saír con el. Sam idolátrao. Con todo, un día, Jason reúne á súa familia para contarlle un secreto que leva gardando moito tempo: en realidade chámase Jessica. Os seus pais non dan crédito e Sam descobre que non son as persoas abertas e tolerantes que cría. As vidas de todos envorcan e parece que as cousas nunca volverán ser como antes... Con esta novela intensa e emotiva, escrita con empatía, lixeireza e ironía, Boyne retrata a viaxe dunha familia cara á aceptación. O meu irmán chámase Jessica é unha lectura imprescindible para todas as idades.

1º-2º ESO

3º-4º ESO