Julius Grace faleceu en 1940, durante a evacuación das tropas aliadas en Dunkerque. Vinte anos despois, a súa figura segue tendo unha presenza decisiva na vida da súa familia. Emma, a filla menor traballa no mundo editorial e non mostra interese algún no matrimonio. Pola contra, Cressida, a maior, está demasiado ocupada cos seus amantes, a miúdo casados, para centrarse na súa carreira como pianista. Mentres tanto, Esme, a viúva de Julius, esquiva a soidade entregándose ás rutinas domésticas e ao coidado do seu xardín. E logo está Felix King, examante de Esme, a quen abandonou tras a morte do seu marido. A reunión de todos eles durante unha fin de semana en Sussex detonará de improviso unha serie de revelacións, segredos e confesións, que irán desvelando, por fin, a verdade sobre Julius...