Departamento de Música

Daniel é un luthier xudeu de Cracovia que sobrevive no inferno do campo de exterminio de Auschwitz traballando de carpinteiro. As súas condicións de vida son infrahumanas, e os abusos, os castigos e a morte son compañeiros habituais dos reclusos coma el. Pero por mor dun accidentado concerto, o comandante do campo, Sauckel, que é afeccionado á música clásica, descobre o verdadeiro oficio de Daniel e decide poñelo a proba: terá que construír un violín que teña un son perfecto. Daniel ponse ao choio, sabedor de que a gran paixón da súa vida é agora tamén a súa única salvación.

O violín de Auschwitz é unha pequena obra mestra que se le co corazón en albas, unha historia conmovedora que, proclama a dignidade humana mesmo baixo as circunstancias máis brutais.

1º-2º BAC